Wat hammer ze bedde?
Bei uns weet met Häng un Kopp jearbigg. Uns Arbigg besteht dodruss, de Kundeinteresse ze vertredde un dä optimale Versecherungsschotz aanzebeede. Bei uns häste de Uswahl us ener jroße Bandbrigg aan Versecherungsungernemme un dan och noch en neutrale Beroodung

Dat Zeel es joode, billije un sennvolle Versecherungsschotz. Dä "Bund dr Versecherte" sät dat jedes Johr zwanzech Millijarde Euros för falsche oder unzereichende Versecherungsschotz jelöhnt weede. Öm dat bei dr ze vermeide söckste dä Kontak ze uns!?

Wenn de en Aanrejung oder Froch zo dä Inhalte oder uns Arbigg häs, oder einfach nor wiggere Informatijone bruchs un uns kontakteere wells, kleck ens op "Kontak".

Du söcks ene unafhängije Versecherungsmakler? Wat künne mr för dech dun?
Mr sen als Versecherungsmakler en dä Jeschäffsbereiche Versecherungsvermeddlung, Nüssele un Eijekapitalfenanzeerunge am arbigge, Dozu jehööt natürlech och deng Rent (wenn et noch en Rent jitt), de Fenanzeerung vun denger Hött, de Ömfenanzeerung vun dengem ahle Mott, un alles wat sech öm deng Nüssele driht. Mr sen unafhängisch un dun all de Tarefe vun dä Versecherungsjesellschaffte för uns Kunde verjlische. Mer söcke maasjeschneiderte Lösunge för de Affsecherung un och de Försorsch em Alter.

Uns Prenzipije:
Exklosive Versecherungsschotz för ne jünstije Pris. Mer saaje dr schon wie et jeht. Mr sen unbürokratesch en dr Bearbiggung. Mr haalde de beste Invessmentlösunge di et am Maat jiht parat - ejal op et för deng Altersförsorsch oder för irjend e ander Sparzeel es.

Versecherunge sen Vertrauenssaach. Sigg 1981 beroode mr all uns Kunde ömfassend un neutral en alle private un betriebliche Versecherungsfroche. Als unafhängije Versecherungsmakler sen mr aan kein Versecherungsjesellschaff jebunge un arbigge usschleßlech en dengem Interesse. Esu entweckelle mr optimaale Konzept met maßjeschneiderte Lösunge zo de beste Konditijone.

Kennste eijentlech dä Ungerschied zwesche enem Versecherungsmakler un enem Versecherungsvertreder?

Dä Versecherungsvertreder es an sing Versecherung jebunge un  vermeddelt nur dat Jedöns vun dä ene Jesellschaff un dä vertritt och nur de Interesse vun singer Arbiggjewer. Hä weed och Usschleßlechkeitsverteder jenannt. En objektive, unafhängije Beroodung en Versecherungsfroche kannste vun denne Tüpe niet erwaade.

Dä Versecherungsmakler es rächlich un weetschafflech unafhängisch vun dä Versecherunge un weed och treuhänderischer Sachverwalter singer Mandante jenannt. Hä vertrett usschleßlech de Interesse singer Mandante. Nur dä Versecherungsmakler weed dech in alle Bereiche neutraal, optimaal un unafhängisch beroode un betreue. Wiggere Enformatijone öwwer dä Versechungsmakler jiht et bei dr IHK en Kölle.